«АБК-Гель» - этил спирти асосида ишлатишга тайёр ҳолда ишлаб чиқариладиган гель шаклидаги рангсиз ёки бўялган тери антисептиги. Таркибида шунингдек қўллар терисини юмшатувчи, тикловчи ва намловчи функционал қўшимчалар бор.

ХУСУСИЯТЛАРИ:

Тери юза қисимларини қуритмайди

Аллергияга олиб келмайди

ТАРКИБИ:

Этил спирти, тенг миқдордаги тўртламчи аммонийли бирикма (кокобензилдиметиламмоний хлорид ва дидецилдиметиламмоний хлорид)лар, полигексаметиленгуанидин гидрохлорид, шунингдек функционал қўшимчалар, шу жумладан, қўллар терисини юмшатувчи, тикловчи ва намловчи функционал қўшимчалар бор.

ЯРОҚЛИЛИК МУДДАТИ:

Ишлаб чиқарилган кунидан бошлаб, ишлаб чиқарувчининг очилмаган ўрамида - 2 йил.

• Даволаш-профилактика муассасалари
• Сартарошхоналар, гўзаллик салонлари, гўзаллик саноати корхоналари
• Болалар ва таълим муассасалари
• Умумий овқатланиш муассасалари, савдо ташкилотлари, транспорт
• Стоматология
• Ветеринария
• Аҳолига маиший хизмат кўрсатиш

Тери антисептиги сифатида:
• қўлларга гигиеник ишлов бериш;
• жарроҳлар ва тиббий ходимлар қўлларига ишлов бериш;
• операция ва инъекция қилинадиган соҳалар терисига ишлов бериш;
• донорлар тирсак бўғини букиладиган жойларига ишлов бериш;
• қўл ва оёқ бармоқларининг замбуруғли касалликларини олдини олиш учун.
Шунингдек дезинфекция воситаси сифатида:
инфекция тушиш эҳтимоли юқори бўлган материаллар билан ишлаганда (микробиологик лабораториялар, Б синфига оид тиббий чиқиндиларни йиғишда) ходимлар қўлларига кийилган резина қўлқопларни зарарсизлантириш учун ишлатилади.

Граммусбат ва грамманфий (кўкйиринг таёқчалари ва туберкулёз микобактерияларига нисбатан ҳам) бактериялар, вируслар (шу жумладан, полиомиелит, парентерал гепатитлар вируслари, грипп ва ОИВ-инфекция қўзғатувчилари), замбуруғлар (Кандида типидаги ва Трихофитон) га нисбатан микробга қарши фаолликга эга.

3 соат мобайнида узоқ давом этувчи бактерицид таъсирга эга.

Барча микроблар спектрлари бўйича экспозиция (ишлов беришда ушлаб туриш) вақти 20 сониядан - 3 дақиқагача.

• Қўлларга гигиеник ишлов бериш:: 3 мл восита қўллар кафтига қуйилади ва қуригунча терига ишқалаб, камида 30 сония давомида сурилади.
• Жарроҳлар қўлларига ишлов бериш: Воситани ишлатишдан олдин қўллар кафти ва билаклари аввало оқиб турган илиқ сувда совун билан 2 дақиқа давомида икки марта ювилади, стерилланган докали салфетка билан қуритилади. Кейин қўллар кафтига 2,5 мл восита қуйилади, қўл ва билак териларига 2,5 дақиқа ишқалаб, сурилади, сўнгра яна бир марта кафтга 2,5 мл восита қуйилиб, кафт ва билаклар териларига 2,5 дақиқа (қўллар терисини ҳўл ҳолича ушлаб турган ҳолатда) давомида ишқалаб сурилади. Умумий ишлов бериш вақти 5 дақиқани ташкил қилади. Қўл ва билакларга сурилган восита тўлиқ қуригандан кейин стерилланган қўлқоплар кийилади.