Жарроҳлик амалиёти (операция) ўтказиладиган ва инъекция қилинадиган соҳаларга ишлов бериш учун этил спирти асосида ишлаб чиқариладиган тери антисептиги. Восита 3 соат давомида узоқ таъсир қилувчи таъсирга эга.

Мулкчилик шакли қандай бўлишидан қатъий назар, даволаш-профилактика ва ҳар қандай йўналишдаги бошқа муассасаларда:

операция ва инъекция қилинадиган соҳалар терисини ёғлардан тозалаш;
донорларнинг тирсаклари букиладиган жойларига ишлов бериш;
катетер қўйиш ва пункция қилиш олдидан бўғинлар терисига ишлов бериш;

жарроҳлар қўлларига ишлов бериш;

даволаш-профилактика муассасалари ходимлари, мактабгача тарбия ва мактаблар ишчи-ходимлари, ижтимоий-таъминот (қариялар, ногиронлар в.б.), санатория ва курорт, пенитенциар муассасалар ходимлари, парфюмерия-косметика, озиқ-овқат саноати, савдо ва умумий овқатланиш корхоналари, коммунал хизмат кўрсатиш ташкилотлари ходимларининг қўлларига гигиеник ишлов бериш учун ишлатишга рухсат этилган.

ХУСУСИЯТЛАРИ:

Тери юза қисимларини қуритмайди

Аллергияга олиб келмайди

ТАРКИБИ:

Этил спирти, тенг миқдордаги тўртламчи аммонийли бирикма (кокобензилдиметиламмоний хлорид ва дидецилдиметиламмоний хлорид)лар, полигексаметиленгуанидин гидрохлорид, шунингдек функционал қўшимчалар, шу жумладан, қўллар терисини юмшатувчи, тикловчи ва намловчи функционал қўшимчалар бор.

ЯРОҚЛИЛИК МУДДАТИ:

Ишлаб чиқарилган кунидан бошлаб, ишлаб чиқарувчининг очилмаган ўрамида - 5 йил.

• Даволаш-профилактика муассасалари
• Сартарошхоналар, гўзаллик салонлари, гўзаллик саноати корхоналари
• Болалар ва таълим муассасалари
• Умумий овқатланиш муассасалари, савдо ташкилотлари, транспорт
• Стоматология
• Ветеринария
• Аҳолига маиший хизмат кўрсатиш

Тери антисептиги сифатида:

• • қўлларга гигиеник ишлов бериш;
• • жарроҳлар ва тиббий ходимлар қўлларига ишлов бериш;
• • операция ва инъекция қилинадиган соҳалар терисига ишлов бериш;
• • донорлар тирсак бўғини букиладиган жойларига ишлов бериш;
• • қўл ва оёқ бармоқларининг замбуруғли касалликларини олдини олиш учун.

Шунингдек дезинфекция воситаси сифатида:
инфекция тушиш эҳтимоли юқори бўлган материаллар билан ишлаганда (микробиологик лабораториялар, Б синфига оид тиббий чиқиндиларни йиғишда) ходимлар қўлларига кийилган резина қўлқопларни зарарсизлантириш учун ишлатилади.

Граммусбат (шу жумладан, туберкулёз микобактерияларига ҳам) ва грамманфий бактериялар, вируслар (парентерал гепатитлар ва ОИВ-инфекция вирусларига ҳам), патоген замбуруғлар (кандидоз ва дерматофитиялар) га нисбатан микробга қарши фаолликга эга.

3 соат мобайнида узоқ давом этувчи бактерицид таъсирга эга.

Барча микроблар спектрлари бўйича экспозиция (ишлов беришда ушлаб туриш) вақти 20 сониядан - 3 дақиқагача.

• 3 мл восита қўллар кафтига қуйилади ва қуригунча терига ишқалаб, камида 30 сония давомида сурилади.
• Воситани ишлатишдан олдин қўллар кафти ва билаклари аввало оқиб турган илиқ сувда совун билан 2 дақиқа давомида икки марта ювилади, стерилланган докали салфетка билан қуритилади. Кейин қўллар кафтига 2,5 мл восита қуйилади, қўл ва билак териларига 2,5 дақиқа ишқалаб, сурилади, сўнгра яна бир марта кафтга 2,5 мл восита қуйилиб, кафт ва билаклар териларига 2,5 дақиқа (қўллар терисини ҳўл ҳолича ушлаб турган ҳолатда) давомида ишқалаб сурилади. Умумий ишлов бериш вақти 5 дақиқани ташкил қилади. Қўл ва билакларга сурилган восита тўлиқ қуригандан кейин стерилланган қўлқоплар кийилади.
• тери навбати билан воситада яхшилаб ҳўллаб олинган алоҳида стерил докали тампонлар билан икки марта артилади. Ишлов бериш тугагандан кейинги ушлаб туриш вақти - 2 дақиқа. Операциядан бир кун олдин бемор душ (ванна) қабул қилади, ич кийимларини алмаштиради.
• тери воситада яхшилаб ҳўллаб олинган стерил докали тампон билан артилади. Ишлов бериш тугагандан кейинги ушлаб туриш вақти - 1 дақиқа.
• Ходимлар қўлларига кийилган қўлқопларга ишлов бериш:: қўлқопларнинг ташқи юзалари воситада яхшилаб ҳўллаб олинган стерил докали ёки пахтали тампон (ҳар бир тампон учун камида 3 мл восита) билан яхшилаб артилади. Ишлов бериш вақти - камида 1 дақиқа. Ушлаб туриш (экспозиция) вақти - қўлқоплар юзалари тўлиқ қуригунча. Умумий ишлов бериш вақти - камида 1,5 дақиқа.