"PSP-PHARMA-TEST" 75/150 комбинацияланган пакети буғ, этиленоксид, буғ-формальдегид ва радиация стерилизацияси учун текис. Тиббий буюмларни стерилизация қилишдан олдин қадоқлаш учун мўлжалланган бўлиб, стерилизациядан кейин ушбу буюмларнинг стериллигини сақлаб қолиш ва уларни кейинчалик ташиш ва белгиланган мақсадда фойдаланилгунга қадар сақлаш учун мўлжалланган. Кўп қатламли полимер (полипропилен/полиэстер) плёнкадан қалин тиббий юқори мустаҳкам қоғоз билан биргаликда тайёрланган бўлиб, тиббий қадоқлаш материалларига қўйиладиган талабларга жавоб беради.

P ISO 11607-2003 ДавСТи (“Тиббий буюмларни охирги ўрамида стерилизация қилиш (финишная стерилизация) учун ўрам”) ва CEN EN 868 Европа стандарти бўйича қўйиладиган талабларга жавоб беради.

Ишлатилаётган стерилловчи агентга нисбатан ўтказувчан, ёпиқ ҳолатда бир йилгача микроорганизмларнинг киришига йўл қўймайди. Пакетларни муҳрлаш (печатлаш) пайвандловчи ускуналардан фойдаланмай ўзи ёпишадиган клапан ёрдамида амалга оширилади.

• Ишлатиш учун оддийлиги. Клапандаги елимли қавати пакетни пайвандловчи ускунадан фойдаланмасдан тез ва зич қилиб печатлаш имконини беради.
• Герметиклиги. Буюм (ускуна)лар стерилизация қилингандан кейин узоқ вақт стерил ҳолатда қолади.
• Юқори даражадаги стерилизация. Материалнинг хусусиятлари стерилловчи газ ва буғни толалари орасидан осон ўтишига имкон яратиб беради.
• Комплектдаги индикаторлар стерилизация қилинган буюм ва фойдаланилган стерилизация усулини фарқлаш имконини беради.
• Иссиқлик билан пайванд қилинган уч қаватли ёнбош чоклар материал қаватларини ишончли бирикишини таъминлайди.
• Буғли ва газли стерилизация учун «ПСП-PHARMA-TEST» пакетлари мамлакатимизда фойдаланиш учун рухсатнома (сертификат)га эга. Улар халқаро сифат стандартлари ва хавфсизлиги, шу жумладан, СанҚваМ меъёрларига тўлиқ мувофиқ келади.

Стерилизация пакетлари тиббий буюмлар, асбоб-ускуналар, маникюр, педикюр ва косметологик ускуналарни стерилизация қилиш учун мўлжалланган. Бир маротаба ўтказиладиган буғли (автоклавлаш), ҳаволи, радиацияли ва газли стерилизация учун ишлатилади.

• Асбоб-ускуналарни дезинфекция қилиш, стерилизация олдидан тозалаш, қуритиш;
• Мувофиқ келадиган пакетни танлаб олиш;
• Пакетнинг бутунлиги ва яроқлилик муддатини текшириб кўриш. Агар пакет нам бўлиб қолса, ҳатто қуритилгандан кейин ҳам ишлатиш учун яроқсиз бўлиб қолишини ёдда сақлаш лозим.
• Пакет ичига тегишли классдаги ички индикатор (комплект таркибига кирмайди) ва ишлов берилиши лозим бўлган қуруқ ва тоза буюм (ускуна)лар солинади;
• Иложи борича пакетни ёпиқ томонидан очиқ томонига қараб қўл билан силлиқлаб, текислаб унинг ичидаги ҳавони максимал даражада чиқариб ташлаш лозим;
• Пакет буюмлар билан сиғимининг 3/4 қисмигача тўлдирилиши лозим;
• Пакетни печатлаш учун унинг очиқ клапанини тешикли линия бўйлаб қўйиш, ўзи ёпишадиган бўлагининг ҳимоя плёнкасини олиб ташлаш ва пакет клапанини ўртасидан четларига қараб бурмалар туширмасдан, қаттиқ босиб туриб печатлаш лозим;
• Буюм (ускуна)лар солинган пакетлар стерилизаторга бир қават қилиб жойлаштирилади;
• Стерилизатор тури ва қоидаларига мувофиқ стерилизация ўтказилади (қилинади);
• Стерилизация тугагандан кейин барча индикаторларнинг ранглари ўзгарганига ишонч ҳосил қилиш лозим;
• Стерилизация қилинган буюмлар солинган пакетлар печатланган ҳолда қоронғи қуруқ жойда (ёки УФ-шкафда) 10°С дан 30°С гача ҳарорат ва 50% дан ошмаган нисбий намлик шароитида 60 суткагача сақланиши лозим.