Қоғозли-плёнкали асосдаги икки белгига: индикатор ва стерилизация параметрларига риоя қилинганда ҳосил бўлиши лозим бўлган эталон ранг белгиларига эга бўлган, буғли стерилизация учун бир маротаба ишлатиладиган 4 класс (кўп ўзгарувчан) «PHARMA-TEST» 121/15 (ISO 11140-1-2011 ДавСТи) универсал кимёвий индикатори. Стерилизация тартибининг фақат битта индикаторда кўрсатилган критик параметрлари - стерилизация ҳарорати, стерилизацияда ушлаб туриш вақти ва 121°С/15 дақиқа тартибда тиббий буюмлар ва ўрамлар ичида тўйинган сув буғларининг бор-йўқлигини оператив визуал (кўз билан кўриб) назорат қилиш учун мўлжалланган. Стерилизация камерасидаги ҳавони форвакуум ёки кўп босқич (поғона)ли вакуумлаш усулларида чиқариб юборадиган буғли стерилизаторларда ишлатилади.

Баъзи ҳолатларда тиббий буюмлар жойланган пакетлар ичидаги ҳарорат ва стерилизатор иши кўрсаткичларини бир пайтнинг ўзида назорат қилиш учун «PHARMA-TEST» 121°С/15 дақиқа универсал индикаторини бир пайтнинг ўзида стерилизация қилинадиган тиббий буюмлар ва ўрамларнинг ҳам ичига, ҳам ташқарисига жойлаштириш тавсия қилинади.

Индикаторлар А4 форматдаги лист (варақ)ларга жойлаштирилади ва тешикли линия бўйлаб бир-биридан ажратилади. Индикаторлар ўз номи ва типига мувофиқ ёрлиғи (маркировкаси) бўлган махсус ўров материалига солиниб, ушбу йўриқнома ва стерилизация параметрларини ҳисобга олиб борувчи Ф.257/У журнали билан бир тўплам (комплект)да жойлаштирилади.

Индикаторнинг ёпишқоқ қавати унинг назорат нуқтасига ишончли маҳкамлаб қўйиш имконини беради.

- тиббиёт муассасаларининг стерилизация бўлимлари;
- санитария-эпидемиология муассасалари;
- дезинфекция станциялари.

«PHARMA-TEST» 121°С/15 дақиқа универсал индикатори даволаш-профилактика муассасаларининг профессионал-фойдаланувчи ходимлари, дезинфекция ва санитария-эпидемиология хизмати ишчилари, шунингдек дезинфекция ва стерилизация қилиш фаолиятини амалга ошириш ҳуқуқига эга бўлган бошқа ташкилот ва муассасалар ходимлари тиббий буюмларни буғли стерилизация қилишнинг ҳар бир циклида аввалдан стерилизация камерасидаги ҳаво 4 класс (кўп ўзгарувчан) бўйича кўрсаткичлар ва рухсат этилган даражада мажбурий усулда чиқариб ташланган (ISO 11140-1-2011 ДавСТи бўйича) буғли стерилизаторлардаги тиббий буюмлар жойланган пакетлар, ўрамлар, стерилизация қутиларини стерилизация қилишда ҳам ичидан, ҳам ташқаридан стерилизация тартиблари ва шартларининг белгиланган параметрларига амал қилинишини оператив визуал (кўз билан кўриб) назорат қилиши учун мўлжалланаган.

Индикаторлар буғли стерилизация тартиблари ва шартларининг белгиланган параметрларидан қуйидаги сабаблар натижасида келиб чиқадиган четга чиқишларни аниқлаш имконини беради:

• стерилизация қилинадиган ўрамлар, стерилизация қутиларидаги ўрамлар ичида ҳаво бўлиши;
• стерилизация қилинадиган ўрамлар, стерилизация қутиларидаги ўрамлар ичида ҳаво бўлиши;
• ҳавони чиқариб юбориш фазаси давомийлигининг етарли эмаслиги, стерилизатор қопқоғи бирикувчи жойларининг ҳавони чиқариб юбориш фазасида (сўрилган ҳаво борлиги сабаб) герметик (зич) эмаслиги;
• узатилаётган буғ параметрларининг бир хилда эмаслиги ёки унинг белгиланган параметрларга мувофиқ эмаслиги (оқувчан, қуруқ, қизитилган);
• стерилизация тартиби параметрларини белгилашда хато бўлиши ёки уларнинг тўхтаб қолиши.

«PHARMA-TEST» 121°С/15 дақиқа индикаторини ҳар бир стерилизация қилинадиган ўрамлар ичига ва ташқарисига орқа томони билан унинг термоиндикатор белгисидан холи бўлган чап томонига жойлаштириш ва маҳкамлаб қўйиш учун ёпишқоқ қаватини беркитиб турган ҳимояловчи қоғоз қопламининг бир қисмидан ажратилади ва елимли қавати билан стерилизация қилинадиган ўрамлар ичига маҳкамлаб қўйилади.

Индикаторлардан стерилизациянинг ҳар бир циклида фойдаланиш тавсия қилинади.

Стерилизацияни назорат қилиш учун ишлатиладиган индикаторларнинг сони стерилизация камерасининг сиғими (ҳажми), стерилизация қутилари, пакетлар, ўрамларнинг сонига боғлиқ.

Ўрамлар ичида стерилизация тартиби параметрларига амал қилишни назорат қилиш: стерилизацияни назорат қилиш индикаторларини ҳар бир стерилизация қутиси, пакет ва ўрамлар ичига жойлаштириш тавсия қилинади.

Стерилизация тартиби параметрларига амал қилинишини стерилизация камераси ичида назорат қилиш: стерилизация камераси ичидаги стерилизация тартиби параметрларига амал қилинишини назорат қилиш учун мўлжалланган индикаторлар стерилизатор назорат нуқталарининг рақамларига мос равишда рақамланади ва стерилизаторнинг ҳар бир назорат нуқтасига, печатлаб беркитилган пакетлар, ўрамлар ташқарисига ёки стерилизация қутилари ёрлиқларига маҳкамлаб жойлаштирилади. Назорат нуқталарининг сони ва уларнинг жойлашуви “Тиббий буюмларни дезинфекция қилиш, стерилизация олдидан тозалаш ва стерилизация қилиш бўйича методик қўлланма”ларга мувофиқ белгиланади.