Бир маротаба ишлатиладиган «PHARMA-TEST» ҲС-Т-180/60 ташқи кимёвий индикатори стерилизация камерасидаги 180°С/60 дақиқа тартибда ҳаволи стерилизациянинг белгиланган параметрлари (стерилизация ҳарорати, стерилизацияда ушлаб туриш вақти) ва шартларига амал қилинишини оператив визуал (кўз билан кўриб) назорат қилиш учун мўлжалланаган. Ушбу индикатор тиббий буюмлар (ускуналар) жойланган ўрамларга ташқи томонидан маҳкамлаб ўрнатилади.

Индикаторлар ҳаволи стерилизация тартиблари ва шартларининг белгиланган параметрларидан қуйидаги сабаблар натижасида келиб чиқадиган четга чиқишларни аниқлаш имконини беради:

• стерилизация камерасига жойлаштирилган юклар шакли ёки ҳажмининг меъёрга тўғри келмаслиги;
• стерилизация тартиблари параметрларини нотўғри ўрнатиш (белгилаш) ёки уларнинг тўхтаб қолиши;
• автоклавнинг ишдан чиқиши.

Баъзи ҳолатларда тиббий буюмлар жойланган пакетлар ичидаги ҳарорат ва стерилизатор иши кўрсаткичларини бир пайтнинг ўзида назорат қилиш учун «PHARMA-TEST» ҲС-Т-180/60 ташқи ва «PHARMA-TEST» ҲС-И-180/60 ички индикаторларни бир стерилизация циклида фойдаланиш тавсия қилинади.

Индикатор орқасида ҳимоя қобиғи бўлган, олд юзасида тамға, таққослаш ва индикатор белгилари туширилган клейли асосдаги қоғоз носителдир. Индикаторлар А4 форматдаги лист (варақ)ларга жойлаштирилади ва тешикли линия бўйлаб бир-биридан ажратилади. Индикаторлар ўз номи ва типига мувофиқ ёрлиғи (маркировкаси) бўлган махсус ўров материалига солиниб, ушбу йўриқнома ва стерилизация параметрларини ҳисобга олиб борувчи Ф.257/У журнали билан бир тўплам (комплект)да жойлаштирилади.

Индикаторнинг ёпишқоқ қавати унинг назорат нуқтасига ишончли маҳкамлаб қўйиш имконини беради.

- тиббиёт муассасаларининг стерилизация бўлимлари;
- санитария-эпидемиология муассасалари;
- дезинфекция станциялари.

ҲС-Т-180/60 ташқи “PHARMA TEST” индикаторлари (бундан кейин - ташқи индикаторлар) стерилизация ҳароратининг номинал (белгиланган) кўрсаткичларидан максимал оғиши (четга чиқиши) ±3ºС бўлган ҳаволи стерилизаторларда ўтказиладиган, стерилизация камерасидаги ҳаволи стерилизация қилиниши лозим бўлган тиббий буюмлар, иссиққа чидамли кукун ҳолидаги (фарм) моддалар бўлган ҳаволи стерилизация тартиблари ва шартлари параметрлари (стерилизация ҳарорати, стерилизацияда ушлаб туриш вақти)га амал қилинишини оператив визуал (кўз билан кўриб) назорат қилиш учун мўлжалланаган.

Ташқи индикаторлар стерилизация камерасидаги ҳаволи стерилизация тартиблари ва шартларининг белгиланган параметрларидан стерилизаторларнинг техник носозлиги, стерилизация параметрларини белгилашдаги хатоликлар ёки уларнинг тўхтаб қолиши, стерилизация камераси ичида белгиланганига мувофиқ келмайдиган тартиб параметрлари асосида стерилизация қилинган тиббий буюмларни ўров материалларига нотўғри жойлаштириш ёки юклаш натижасида келиб чиқадиган четга чиқишларини аниқлаш имконини беради.

ҲС-Т-«PHARMA-TEST» индикаторлари қуйидаги қоидаларга риоя қилинган ҳолда жойлаштирилади:

Индикаторларни

• стерилизация камераси деворига;
• стерилизация қилинадиган буюмларга, лоток (махсус идиш)ларга;
• стерилизация қилинадиган буюмлар жойлаштирилган пакетлар, ўрамлар ичига жойлаштириш мумкин эмас.

Индикаторларни орқа томони билан унинг термоиндикатор белгисидан холи бўлган чап томонига жойлаштириш ва маҳкамлаб қўйиш учун ёпишқоқ қаватини беркитиб турган ҳимояловчи қоғоз қопламидан ажратилади.

Печатлаб беркитилган пакетлар, ўрамларга стерилизация қилинадиган пакет ва ўрамлар ташқарисига жойлаштириш учун мўлжалланган ҲС-Т-«PHARMA-TEST» ташқи индикатори маҳкамлаб қўйилади. Пакетлардан ҳаволи стерилизация учун фойдаланилганда индикаторлар пакетнинг ёпишадиган клапанига маҳкамланади.

Стерилизация қилинадиган буюмлар жойлаштирилган пакетлар, ўрамларни юклашда индикаторларнинг стерилизация камераси деворларига тегишидан эҳтиёт бўлиш зарур.

Стерилизаторларга юклашда стерилизация самарадорлигига тўғридан-тўғри таъсир қиладиган омилларни истисно қилган ҳолда стерилизация қилинадиган ўрамларни стерилизация камерасига жойлаштириш тартиби ва зичлигини, стерилизация камерасининг тўлиш ҳажмини назорат қилиб бориш лозим:

• стерилизация қилинадиган буюмлар стерилизация камераси полкаларининг тирқишларига кўндаланг қилиб, горизонтал ҳолатда бир текис жойлаштирилиши лозим;
• стерилизация камерасини стерилизация қилинадиган буюмлар билан бетартиб ҳолда, пала-партиш тўлдириб ташлашга йўл қўйилмайди;
• тозалаш (продувка) ойнаси, перванел (крыльчатка) зонаси, шунингдек вентилятор панжарасини ёпиб қўйиш мумкин эмас;
• иссиқ ҳаво оқимига халақит қилмаслиги учун катта ҳажмдаги буюмларни юқоридаги металл панжараларга жойлаштириш лозим.

Металл ускуналарни ўров материалига жойламасдан (очиқ лотокларда) стерилизация қилинганда, уларни бир-бирига тегмайдиган қилиб жойлаштирилади.