Қоғозли-плёнкали асосдаги икки белгига: индикатор ва стерилизация параметрларига риоя қилинганда ҳосил бўлиши лозим бўлган эталон ранг белгиларига эга бўлган, буғли стерилизация учун бир маротаба ишлатиладиган 4-5 класс (кўп ўзгарувчан) «PHARMA-TEST» БС-Т-132/20 (P ISO 11140-1-2009 ДавСТи) ташқи кимёвий индикатори. Стерилизация тартибининг фақат битта индикаторда кўрсатилган критик параметрлари - стерилизация ҳарорати, стерилизацияда ушлаб туриш вақти ва 132°С/20 дақиқа тартибда тиббий буюмлар ва ўрамлар ичида тўйинган сув буғларининг бор-йўқлигини оператив визуал (кўз билан кўриб) назорат қилиш учун мўлжалланган. Стерилизация камерасидаги ҳавони форвакуум ёки кўп босқич (поғона)ли вакуумлаш усулларида чиқариб юборадиган буғли стерилизаторларда ишлатилади.

Баъзи ҳолатларда тиббий буюмлар жойланган пакетлар ичидаги ҳарорат ва стерилизатор иши кўрсаткичларини бир пайтнинг ўзида назорат қилиш учун «PHARMA-TEST» БС-Т-132/20 ташқи ва «PHARMA-TEST» БС-И-132/20 ички индикаторларни бир стерилизация циклида фойдаланиш тавсия қилинади.

Индикаторлар А4 форматдаги лист (варақ)ларга жойлаштирилади ва тешикли линия бўйлаб бир-биридан ажратилади. Индикаторлар ўз номи ва типига мувофиқ ёрлиғи (маркировкаси) бўлган махсус ўров материалига солиниб, ушбу йўриқнома ва стерилизация параметрларини ҳисобга олиб борувчи Ф.257/У журнали билан бир тўплам (комплект)да жойлаштирилади.

Индикаторнинг ёпишқоқ қавати унинг назорат нуқтасига ишончли маҳкамлаб қўйиш имконини беради.

- тиббиёт муассасаларининг стерилизация бўлимлари;
- санитария-эпидемиология муассасалари;
- дезинфекция станциялари.

Ички БС-И-"PHARMA-TEST" 132/20 индикатори ДПМнинг профессионал фойдаланувчилари-ходимлари, дезинфекция ва санитария-эпидемиология хизматлари ходимлари, шунингдек, тиббий буюмларни буғли стерилизация қилишнинг ҳар бир циклида, буғли стерилизаторларда ўрамлар, қадоқлар, стерилизация қутилари ичида, стерилизация камерасидан ҳавони мажбурий тарзда олдиндан чиқариб ташлаш орқали режимлар ва шароитлар параметрларини таъминлашни тезкор визуал назорат қилишда стерилизация ва дезинфекция фаолиятини амалга ошириш ҳуқуқига эга бўлган бошқа ташкилот ва муассасалар учун мўлжалланган.

Индикаторлар буғли стерилизация тартиблари ва шартларининг белгиланган параметрларидан қуйидаги сабаблар натижасида келиб чиқадиган четга чиқишларни аниқлаш имконини беради:

• стерилизация қилинадиган ўрамлар, стерилизация қутиларидаги ўрамлар ичида ҳаво бўлиши;
• ҳавони чиқариб юбориш фазаси давомийлигининг етарли эмаслиги, стерилизатор қопқоғи бирикувчи жойларининг ҳавони чиқариб юбориш фазасида (сўрилган ҳаво борлиги сабаб) герметик (зич) эмаслиги;
• узатилаётган буғ параметрларининг бир хилда эмаслиги ёки унинг белгиланган параметрларга мувофиқ эмаслиги (оқувчан, қуруқ, қизитилган);
• стерилизация тартиби параметрларини белгилашда хато бўлиши ёки уларнинг тўхтаб қолиши.

БС-И- "PHARMA-TEST" 132/20 индикаторини ҳар бир стерилизация қадоғи ичига жойлаштириш ва маҳкамлаш учун термоиндикатор белгисидан холи бўлган индикатор чап қисмининг орқа томонида ёпишқоқ қатламни ёпадиган ҳимоя қоғоз қопламасининг бир қисми ажратилади ва стерилизация қилинадиган қадоқ, қадоқ ичидаги индикатор елим қатлами билан маҳкамланади.

Стерилизация қилинадиган ўрамлар, қути (бикс)ларни стерилизация камерасига жойлаштиришда қуйидаги қоидаларга риоя қилиш зарур:

• стерилизация қутилари (бикслар) стерилизация камерасида камерадаги буғ ҳаракати йўналишига перпендикуляр жойлаштирилади;
• стерилизация камерасининг орқа деворига катта ўлчамдаги стерилизация қутилари (бикслар) жойлаштирилади;
• буғли стерилизатор эшиги (қопқоғи)дан стерилизация қутилари (бикслар) орасидаги масофа 15 см дан кам бўлмаслиги лозим;

* 30.12.98 й.да тасдиқланган № 287/113 МҚ га мувофиқ тозалаш босқичида ҳавони вакуумлаш усулида чиқариб юбориш имкони бўлмаган буғли стерилизаторлар учун стерилизация қутиларини юклаш юклаш нормасидан 3 баравар камайтирилиши зарур.