Маслаҳат керакми? +998 71 260-43-57, душанба-жума соат 9 дан 18 гача
«Б маркадаги Антисептин» — юзалар ва ускуналарни тезкор (экспресс) дезинфекция қилиш учун тайёр ҳолда ишлаб чиқариладиган восита. Таъсир қилувчи моддалар сифатида таркибида қуйидагилар бор: ТАБ, N,N-Бис (3-аминопропил) додециламин, шунингдек ПГМГ. Восита тери антисептиги сифатида ишлатилса ҳам бўлади. Узоқ вақт (3 соатгача) давом этадиган микробга қарши таъсирга эга.
ТАБ — тўртламчи аммонийли бирикмалар.
Граммусбат ва грамманфий бактериялар, шу жумладан, туберкулёз, шифохона ичи инфекциялари қўзғатувчилари, S. aureus нинг метициллин, пенициллин ва ванкомицинга нисбатан чидамли штаммлари, Кандида типидаги замбуруғлар, дерматофит ва моғор замбуруғлари, вируслар (аденовируслар, грипп, парагрипп ва бошқа ўткир респиратор инфекциялар қўзғатувчилари, энтеровируслар, ротавируслар, полиомиелит вируслари, ОИВ (ВИЧ)-инфекциялари, энтерал ва парентерал гепатитлар, герпес, атипик зотилжам, H5N1 парранда гриппи, H1N1 чўчқа гриппи вируслари в.б.) га нисбатан микробга қарши фаолликга эга.
Алкилдиметилбензиламмоний хлорид, дидецилдиметиламмоний хлорид, N,N-Бис (3-аминопропил) додециламин, полигексаметиленбигуанидин гидрохлорид, шунингдек функционал қўшимчалар.
ДИҚҚАТ! Б маркадаги «Антисептин» воситасини ишлатиш учун суюлтириш талаб қилинмайди!
Б маркадаги «Антисептин» воситаси майдони унчалик катта бўлмаган юзалар, шунингдек ҳар қандай материалдан ишланган буюмларнинг ишлов бериш учун етиб бориш қийин бўлган юзаларини артиш ва сепиш усулларида зарарсизлантириш учун ишлатилади.
Объектларни артиш усулида дезинфекция қилиш (зарарсизлантириш)ни индивидуал ҳимоя воситаларидан фойдаланмасдан, беморлар ва уларни кўргани келганлар борлигида ўтказиш мумкин. Воситанинг сарф меъёри 1 м² юзага 100 мл ни ташкил қилади.
Сепиш усулида дезинфекция қилинганда восита юзалар тўлиқ ҳўл бўлгунича бир текисда 30-50 см масофадан сепилади. Воситанинг сарф меъёри 1 м² юзага 150 мл ни ташкил қилади.
Дезинфекция тугаганидан кейин воситани юзалардан ювиб ташлаш талаб этилмайди. Одам терисига, идишларга, озиқ-овқат маҳсулотларига, озиқ-овқат хомашёларга теккан юзалар дезинфекция вақти тугагандан кейин сув билан ювилиши лозим.
Зарурат туғилиб қолса, дезинфекция вақти тугагандан кейин қуришини кутиб ўтирмасдан юзаларни қуруқ тоза латта ёки қоғоз сочиқча (салфетка) билан артиш мумкин.
Б маркадаги «Антисептин» воситасини бошқа турдаги ювувчи ёки дезинфекцияловчи воситалар билан аралаштириш мутлақо тақиқланади.
Объектларни дезинфекция қилиш қуйидаги жадвалда кўрсатилган тартибларга мувофиқ амалга оширилади.
Инкубаторлар, кувезлар, транспорт инкубаторлари, янги туғилган ва чала туғилган чақалоқлар учун очиқ реанимацион тизимлар ва реанимация комплекслари Б маркадаги «Антисептин» воситасида яхшилаб ҳўллаб олинган тўқилган ёки тўқилмаган салфеткалар билан икки марта артилади ёки восита уларга қўл пуркагич ёрдамида 5 дақиқа оралатиб икки марта сепилади. Ишлов берилгандан кейинги дезинфекцияда ушлаб туриш вақти (экспозиция) — 5 дақиқа.
Дезинфекцияда ушлаб туриш вақти тугагандан кейин юзалар стерил докали салфеткалар билан артилади.
Биологик ажратмалар билан зарарланмаган юзалар Б маркадаги «Антисептин» воситасида яхшилаб ҳўллаб олинган тўқилган ёки тўқилмаган салфеткалар билан бир марта артилади ёки Б маркадаги «Антисептин» воситаси уларга қўл пуркагич ёрдамида сепилади, дезинфекцияда ушлаб туриш вақти — 5 дақиқа.
Биологик ажратмалар билан зарарланган юзалар ва объектларга 2 босқичда ишлов берилади:
I босқич: Юзаларни дезинфекция олдидан тозалаш
Б маркадаги «Антисептин» воситаси бевосита тозаланиши лозим бўлган юзага сепилади.
Кир-доғлар ва биологик плёнка (парда)лардан тозалаш учун юза тоза қоғоз ёки матодан бўлган салфетка билан артилади.
Салфетка кейинчалик дезинфекция ва утилизация қилиш учун Б синфига оид тиббий чиқиндилар йиғишга мўлжалланган идишга ташланади.
II босқич: Тозаланган юзаларни дезинфекция қилиш
Б маркадаги «Антисептин» воситаси бевосита аввалдан тозаланган юзага препарат билан тўлиқ ҳўл бўлгунча сепилади ёки Б маркадаги «Антисептин» воситасида ҳўлланган салфеткалар билан артилади. Дезинфекция вақти — 5 дақиқа.
Зарурат туғилиб қолса, дезинфекция вақти тугагандан кейин қуришини кутиб ўтирмасдан юзаларни стерилланган докали салфеткалар билан артиш мумкин.
Пойабзаллар, резина, пластик ва полипропилендан ишланган гиламчаларни дезинфекция қилиш. Пойабзалларнинг ички юзасига ва гиламчаларга Б маркадаги «Антисептин» воситаси 5 дақиқа оралиқда икки марта сепилади. Ишлов берилгандан кейин дезинфекцияда ушлаб туриш вақти 5 дақиқа. Ушбу дақиқалар ўтгандан кейин пойабзаллар тоза қоғоз ёки матодан қилинган салфетка билан артилади.
Биологик ажратмалар билан зарарланмаган тиббий буюмлар ва бошқа техника воситалари Б маркадаги «Антисептин» воситасида ҳўллаб олинган тўқилган ёки тўқилмаган материаллардан ишланган салфеткалар билан бир марта артилади. Дезинфекцияда ушлаб туриш вақти 5 дақиқа.
Биологик ажратмалар билан зарарланган тиббий буюмлар ва бошқа техника воситаларига 2 босқичда ишлов берилади:
I босқич: Объектни дезинфекция олдидан тозалаш
Кир-доғлар ва биологик плёнка (парда)лардан тозалаш учун объект юзаси Б маркадаги «Антисептин» воситасида ҳўллаб олинган тўқилган ёки тўқилмаган материаллардан ишланган салфеткалар билан артилади.
II босқич: Тозаланган объект юзасини дезинфекция қилиш
Объектнинг аввалдан тозаланган юзаси бевосита Б маркадаги «Антисептин» воситасида ҳўлланган салфеткалар билан артилади. Дезинфекция вақти — 5 дақиқа.
Ходимлар қўлига кийилган қўлқопларга ечиш олдидан ишлов бериш: Ходимлар қўлига кийилган қўлқоплар юзаларига ишлов бериш Б маркадаги «Антисептин» воситасида яхшилаб ҳўлланган салфетка ёки пахтали-докали тампон билан амалга оширилади. Шунингдек қўлқопларга сепиш усулида ҳам ишлов берса бўлади. Дезинфекция вақти — 5 дақиқа.
Қўлқоплар органик моддалар, физиологик суюқликлар, қон, беморнинг ажратмалари в.б.лар билан кучли ифлосланганда ишлов бериш икки босқичда ўтказилади. Ифлосланган қўлқоплар Б маркадаги «Антисептин» воситасида яхшилаб ҳўлланган салфетка ёки тампон билан дастлабки тозаловдан ўтказилади ва кейин дезинфекция қилинади. Умумий дезинфекция вақти 5 дақиқадан кам бўлмаслиги лозим.
Ҳавони дезинфекция қилиш тегишли техник қурилмалар ёки пуркагичлар учлари ёрдамида сепиш усулида амалга оширилади, сарф меъёри — 10 мл/м³. Бундан олдин юзалар дезинфекция қилинади, бино (хона) зич ёпилади: дераза ва эшиклар беркитилади, вентиляция тизими токдан узилади. Дезинфекция вақти 10 дақиқадан кам бўлмаслиги лозим. Ишлов бериш тугагандан кейин юзалардан восита қолдиқларини ювиш талаб этилмайди, вентиляция тизими бўлмаган бинолар дезинфекция қилингандан кейин 15 дақиқа давомида шамоллатилади.
Ташхис қўйиш учун мўлжалланган ускуна (УТТ-УЗИ)ларнинг узаткич (датчик)ларига Б маркадаги «Антисептин» дезинфекция воситасида яхшилаб ҳўлланган салфетка ёки тампон билан артиш усулида ишлов берилади. Умумий дезинфекция вақти — 5 дақиқа.
Моғор замбуруғларига қарши курашиш учун объектлар аввало чўтка ёрдамида яхшилаб тозаланади, кейин 5 дақиқа оралиғида икки марта восита эритмаси билан ишлов берилади. Дезинфекцияда ушлаб туриш вақти — 10 дақиқа.
| Зарарсизлантирилувчи объектлар | Инфекция тури | Ишлов берилишлар сони | Зарарсизлантириш вақти, дақиқа |
|---|---|---|---|
| Бинолардаги юзалар (пол, деворлар в.б.), транспорт воситалари, уй жиҳозлари, мебель, технологик ва махсус асбоб-ускуналар | Бактериал (шифохона ичи инфекциялари ҳам), вирусли ва замбуруғли (кандидозлар, дерматофитиялар) | Бир маротаба | 5 |
| Туберкулёз | Бир маротаба | 10 | |
| Моғор | 5 дақиқалик интервал билан икки марта | 10 | |
| Йиғиштириш анжомлари ва инвентарлар | Бактериал, вирусли ва замбуруғли | 5 дақиқалик интервал билан икки марта | 5 |
| Ҳаво | Бактериал, вирусли ва замбуруғли | Бир маротаба | 10 |
| Бошқа объектлар | Бактериал (шифохона ичи инфекциялари ҳам), замбуруғли (кандидозлар) | Бир маротаба | 5 |
| Туберкулёз | Икки марта | 10 | |
| Дерматофитиялар, вирусли | 5 дақиқалик интервал билан икки марта | 5 |
Ишлатишдан олдин албатта йўриқнома билан танишиб чиқинг!
Тиббий буюмлар ва эндоскопларни дезинфекция қилиш, юқори даражали дезинфекция ва стерилизация қилиш учун мўлжалланган, тўртламчи аммонийли бирикмалар (ТАБ-ЧАС) ва глутар альдегид комбинацияси асосида ишлаб чиқариладиган юқори самарали препарат.
Дезинфекция, ЮДД ва стерилизация учун мўлжалланган, водород пероксиди, полигексаметиленгуанидин (ПГМГ) гидрохлорид ва тўртламчи аммонийли бирикма (ТАБ)лар комбинацияси асосида ишлаб чиқариладиган концентрацияланган универсал препарат.
Жарроҳлик амалиёти (операция) ўтказиладиган ва инъекция қилинадиган соҳаларга ишлов бериш учун этил спирти асосида ишлаб чиқариладиган тери антисептиги.
Кенг миқёсда ишлатиладиган ажойиб ювувчи, ёқимсиз ҳидларни кетказувчи ва дезинфекцияловчи хусусиятларга эга бўлган, тўртламчи аммонийли бирикмалар асосида ишлаб чиқарилувчи тежамли препарат (концентрат).
